Caerdydd neu Lanelwy (gyda gwaith hybrid)
Y Sefydliad
Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.
I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.
Trwy ein gwaith sicrhau ansawdd, rydym yn cefnogi addysgwyr gwaith cymdeithasol mewn lleoliadau addysg ac ymarfer i ddarparu’r hyfforddiant gorau posibl i’r genhedlaeth nesaf o weithwyr cymdeithasol.
Rydym nawr yn chwilio am ddau Swyddog Cynnwys i ymuno â’n Tîm Cyfathrebu yn llawn amser. Cynigir un rôl yn barhaol a’r llall am gontract cyfnod penodol o fis Gorffennaf 2023 tan fis Rhagfyr 2024.
Y Manteision
– Cyflog o £32,458 – £34,318 y flwyddyn
– 28 diwrnod o wyliau ynghyd â gwyliau banc (cynyddu gyda hyd gwasanaeth)
– Diwrnodau ychwanegol i ffwrdd rhwng y Nadolig a’r Flwyddyn Newydd
– Cynllun pensiwn llywodraeth leol
– Polisi gwaith hyblyg
– Gweithio hybrid
– Polisi absenoldeb teuluol
Y Rôl
Fel Swyddog Cynnwys, byddwch yn cynllunio, creu a darparu amrywiaeth o gynnwys ar-lein ac all-lein deniadol (fel tudalennau gwe, straeon newyddion, e-fwletinau, fideos a negeseuon cyfryngau cymdeithasol) sy’n bodloni anghenion ein cynulleidfaoedd.
Gan weithio ochr yn ochr ag arbenigwyr pwnc a rheolwyr prosiect, byddwch yn cefnogi creu cynnwys sy’n hygyrch, wedi’i ysgrifennu mewn Cymraeg a Saesneg clir, ac sy’n gyson â’n brand.
Yn ogystal, byddwch yn:
– Gweithredu fel y prif bwynt cyswllt ar gyfer eich tîm
– Meithrin perthnasoedd ag awduron cynnwys ar draws y sefydliad
– Darparu cyngor ac arweiniad i gydweithwyr
– Diweddaru ein cyfryngau cymdeithasol a’n gwefan
– Cynorthwyo gyda rheoli adnoddau ariannol
Amdanat ti
I gael eich ystyried yn Swyddog Cynnwys, bydd angen y canlynol arnoch:
– Rhuglder yn y Gymraeg
– Profiad o weithio fel awdur a/neu olygydd
– Profiad o ddylunio a chyhoeddi cynnwys sy’n canolbwyntio ar y defnyddiwr
– Profiad o is-olygu a phrawfddarllen a throi testun cymhleth yn iaith blaen
– Profiad o gefnogi eraill i gynhyrchu cynnwys
– Dealltwriaeth o gynnwys HTML, systemau rheoli cynnwys gwefan ac SEO
– Gwybodaeth ymarferol o sut i gynhyrchu cynnwys hygyrch
– Gwybodaeth am sut i ddehongli data
– Hyfedredd mewn TG, yn enwedig rhaglenni Microsoft Office
Y dyddiad cau ar gyfer y rôl hon yw 11 Mehefin 2023.
Gall sefydliadau eraill alw’r rôl hon yn Swyddog Marchnata, Dylunydd Cynnwys, Swyddog Cyfryngau Digidol, Swyddog Cynnwys Digidol, Swyddog Cyfryngau Cymdeithasol a Chysylltiadau Cyhoeddus, neu Swyddog Gweithredol Cyfathrebu Digidol.
Felly, os ydych chi eisiau camu i rôl amrywiol a deniadol fel Swyddog Cynnwys, gwnewch gais trwy’r botwm a ddangosir. Mae’r swydd wag hon yn cael ei hysbysebu gan Webrecruit. Mae’r gwasanaethau a hysbysebir gan Webrecruit yn rhai Asiantaeth Gyflogaeth.
- Enw’r cwmni neu sefydliad
- Gofal Cymdeithasol Cymru
- Dyddiad cau i ymgeiswyr
- 11 Mehefin 2023
