Gwahoddir ceisiadau am unigolyn i wasanaethu ar Fwrdd y Coleg fel Cyfarwyddwr Anweithredol ac Ymddiriedolwr.
Mae hwn yn gyfle cyffrous i unigolyn sydd yn awyddus i ddefnyddio’i sgiliau a phrofiadau i ymuno â thîm sy’n arwain corff cynllunio cenedlaethol uchelgeisiol sydd â’r Gymraeg wrth wraidd ei bwrpas a’i weledigaeth.
Fel Aelod o’r Bwrdd, byddwch yn cymryd rhan mewn penderfyniadau allweddol ar strategaeth a pholisi’r Coleg. Byddwch yn cyfrannu at sgiliau, arbenigedd a gwybodaeth gyfunol y Bwrdd er mwyn sicrhau ei fod yn cyflawni ei gyfrifoldebau ac yn cynnal safonau uchaf llywodraethu corfforaethol.
Rydym yn chwilio am unigolyn a fydd yn ychwanegu at y profiad sydd ar y Bwrdd eisoes o’r sector addysg drydyddol ac sydd â phrofiad o arwain yn strategol ar lefel uchel.
Mae’r Coleg hefyd yn awyddus i sicrhau bod gennym Fwrdd sydd yn adlewyrchu poblogaeth Cymru gyfan. Byddwn yn croesawu yn enwedig geisiadau gan bobl ddu ac Asiaidd a lleiafrifoedd ethnig.
Bydd y penodiad yn dechrau ym mis Tachwedd 2024 ac am gyfnod o bedair blynedd. Disgwylir ymrwymiad amser o tua diwrnod y mis ar gyfartaledd.
Y broses gwneud cais a dewis
Croesewir ceisiadau gan bob rhan o’r gymuned. Gweithredir egwyddorion cystadleuaeth deg ac agored, a gwneir penodiad ar sail teilyngdod.
Gofynnir i’r sawl sydd â diddordeb ymgeisio i gysylltu gyda Dr Dylan Phillips erbyn 23 Hydref 2024 (d.phillips@colegcymraeg.ac.uk i drefnu sgwrs ffôn neu MS Teams) er mwyn trafod rôl aelodau Bwrdd y Coleg ymhellach.
Dylid gwneud ceisiadau drwy gwblhau’r ffurflen gais ar wefan y Coleg.
Dyddiad cau: 12:00 ar ddydd Mercher, 30 Hydref 2024.
Dolen at y pecyn gwybodaeth
https://colegcymraeg.ac.uk/tudalennau-a-y-cynnwys/swyddi-a-chyfleoedd-eraill/
- Enw’r cwmni neu sefydliad
- Coleg Cymraeg
- Dyddiad cau i ymgeiswyr
- 30 Hydref 2024
