Un o gampysau’r Brifysgol yng Nghymru (yn dibynnu ar leoliad yr ymgeisydd llwyddiannus), ond dylid gallu gweithio gartref, ac mewn lleoliadau eraill, yn ôl yr angen
£25,138 – £28,759 y flwyddyn–
AMDANOM NI –
Mae Prifysgol Cymru y Drindod Dewi Sant (PCYDDS) yn falch o’n gweithwyr ymroddedig a thalentog, ac rydym yn dîm sy’n gweithio gyda’n gilydd i wneud gwahaniaeth i fywydau ein myfyrwyr a’r cymunedau yr ydym yn eu gwasanaethu. Rydym yn y 14eg safle yn y DU ar gyfer Cynhwysiant Cymdeithasol ac yn yr 28ain safle yn y DU ar gyfer Ansawdd yr Addysgu (Canllaw Prifysgolion Da The Times a’r Sunday Times, 2023), ac yn yr 21ain safle yn y DU ar gyfer Boddhad Myfyrwyr (Complete University Guide, 2023). Mae ein llwyddiant yn dibynnu’n helaeth ar ymrwymiad a sgiliau ein pobl.
Rydym yn chwilio am Swyddog Cefnogi Prosiectau i ymuno â ni’n llawn-amser ac yn barhaol.
– Y RÔL –
Bydd y Swyddog Cefnogi Prosiectau yn gyfrifol am gydlynu a chefnogi pob agwedd ar weithgarwch y Ganolfan sy’n cynnwys ei gwaith prosiect o ddatblygu adnoddau addysgol yn ogystal â’r rhaglen o hyfforddiant iaith Gymraeg a gynigir gan y Brifysgol yn fewnol ac allanol
Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person’.
– GOFYNION –
Bydd angen i chi feddu ar y canlynol:
– Gradd gydag anrhydedd neu gymhwyster cyfwerth
– Profiad blaenorol o gefnogi prosiectau
– Sgiliau technoleg gwybodaeth priodol
– Y gallu i weithio’n annibynnol ac fel rhan o dîm
– Y gallu i weithio dan bwysau
– Sgiliau rhyngbersonol o safon uchel a’r gallu i gyfathrebu’n briodol ag eraill
– Mae’r gallu i gyfathrebu ar lefel uchel yn y Gymraeg a’r Saesneg, ar lafar ac ar bapur, yn gwbl allweddol i’r swydd hon
Bydd yn fuddiol hefyd feddu ar y canlynol:
– Profiad blaenorol o weithio’n ddwyieithog
– Profiad blaenorol o weinyddu a prosesu ariannol
– BUDDIANNAU –
– Bydd gennych hawl i 28 diwrnod o wyliau blynyddol y flwyddyn, yn ogystal ag wyth gwyl banc a phedwar diwrnod pan fydd y Brifysgol ynghau
Mae ein cyflogeion yn cael mynediad at becyn cyflog a buddion cynhwysfawr yn gydnabyddiaeth am eu cyfraniad gwerthfawr, sy’n cynnwys:
– Cyflog cystadleuol a datblygiad cyflog
– Lwfans gwyliau blynyddol hael, yn cynnwys cau dros y Nadolig a’r Flwyddyn Newydd
– Aelodaeth o gynllun pensiwn gan yr USS i ddarparu buddion i chi a’ch teulu
– Mynediad at lwyfan buddion a llesiant sydd â dewis o fuddion i weddu i’ch anghenion, gan gynnwys cynllun aberthu cyflog ar gyfer cerbyd trydan, a gwasanaethau llesiant ariannol
– Cymorth ar gyfer iechyd a llesiant, gan gynnwys mynediad at gyfleusterau chwaraeon ar y campws am brisiau gostyngol, gwasanaethau iechyd galwedigaethol a chymorth cwnsela
– Cyfleoedd o ran gyrfa a datblygiad, gan gynnwys cymorth i ennill rhagor o gymwysterau
– Polisïau sy’n ystyriol o deuluoedd ac sy’n darparu ar gyfer gweithio’n hyblyg, gan gynnwys absenoldeb mamolaeth a thadolaeth gwell â thâl
– Cynlluniau teithio, gan gynnwys y cynllun beicio i’r gwaith.
– SUT MAE GWNEUD CAIS –
Os ydych yn teimlo y gallech ffynnu a chael effaith yn y rôl hon, gwnewch gais trwy’r botwm a ddangosir.Nodwch nad yw’r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau’r cais yn unig, ac yn arbennig ar sail eich Datganiad Ategol.Nodwch y bydd eich iaith ohebu yn cael ei phennu gan yr iaith y byddwch yn ei defnyddio yn eich cais. I wneud cais yn Gymraeg, cliciwch ar ‘Cymraeg’ ar ochr dde uchaf y sgrin.
Dyddiad cau: 17 Medi 2024, 11:59 pm
- Enw’r cwmni neu sefydliad
- Prifysgol Cymru Y Drindod Dewi Sant
- Math o swydd
- Llawn amser
- Dyddiad cau i ymgeiswyr
- 17 Medi 2024
