Cyfadran/Adran
Swyddfa’r Dirprwy Is-ganghellor
Adran
Y Gymraeg
Teitl y Swydd
Tiwtor Sgiliau Iaith ac Academaidd Cymraeg
Yn atebol i
Pennaeth Darparaieth Academaidd Cymraeg
Gradd
O&A4
Trosolwg o’r Swydd
Mae Prifysgol Wrecsam yn ymroddedig i’r iaith Gymraeg ac yn ehangu ac yn datblygu’r ddarpariaeth Cymraeg a dwyieithog yn y brifysgol ac yn ateb blaenoriaethau CYFLE – strategaeth academaidd cyfrwng Cymraeg a chynllun gweithredu’r brifysgol a chynllun academaidd Y Coleg Cymraeg Cenedlaethol.
Diben y Swydd
Mae Prifysgol Wrecsam yn ehangu ac yn ymestyn darpariaeth a gwasanaethau Cymraeg ar draws y brifysgol. Sicrhawn hyn drwy weithio yn agos gyda’r Coleg Cymraeg Cenedlaethol, y Ganolfan Dysgu Cymraeg Cenedlaethol a Llywodraeth Cymru, ac mewn cydweithrediad a’n cyfadrannau a gwasanaethau proffesiynol ar draws y brifysgol. Bydd deiliad y swydd yn gyfrifol, o dan arweiniad Pennaeth Darpariaeth Academaidd Cymraeg y brifysgol, am gefnogi cyrsiau Cymraeg Gwaith i staff y brifysgol ac am ddarparu sesiynau sgiliau iaith o fewn pynciau penodol ac i gefnogi tȋm Sgiliau Academaidd y brifysgol trwy gyfrwng y Gymraeg.
Prif Atebolrwydd
· Cyflwyno rhaglen sgiliau iaith Gymraeg i’r myfyrwyr.
· Helpu i ddatblygu a chyflwyno datblygu sgiliau Cymraeg newydd o fewn pynciau academaidd penodol.
· Cyflwyno’r rhaglenni hynny yn unol â Fframwaith Ddysgu Actif y brifysgol ar gampysau Wrecsam a Llanelwy.
· Cefnogi rhaglen Cymraeg Gwaith i staff yn amrywio o ddechreuwyr i hyfedredd.
· Datblygu a darparu adnoddau ddysgu ar gyfer ystod eang o ddysgwyr.
· Cefnogi dysgwyr sydd yn sefyll arholiadau neu asesiadau allanol a chefnogi’r tȋm sgiliau Academaidd yn y Gymraeg.
· Cydlynu cyrsiau byr dwys i staff, myfyrwyr a’r gymuned.
· Cyfrannu at ddiwylliant Cymreig y brifysgol mewn modd anffurfiol.
· Gwneud staff a myfyrwyr yn ymwybodol o gyfleoedd i ddysgu a defnyddio eu
· Cymraeg tu allan i’r brifysgol.
· Agwedd egnïol a brwdfrydig at ddysgu ac addysgu’r iaith Gymraeg.
Dyletswyddau Cyffredinol
Byddwch yn sicrhau bod systemau a gweithdrefnau rheoli priodol ar waith er mwyn bodloni’ch dyletswyddau a’ch cyfrifoldebau iechyd a diogelwch a gynhwysir ym mholisi iechyd a diogelwch y Brifysgol. Yn benodol, byddwch yn sicrhau bod asesiadau risg priodol yn cael eu cynnal mewn perthynas â pheryglon sylweddol ac yr ymgymerir ag arolygon diogelwch o leiaf unwaith y flwyddyn ym mhob gweithle dan eich rheolaeth chi.
Cyfrifoldeb y gweithwyr yw ymgorffori Polisi Cyfle Cyfartal y Brifysgol o fewn eu maes cyfrifoldeb eu hunain ac yn eu hymddygiad cyffredinol.
Mae gan yr holl staff gyfrifoldeb i hyrwyddo gofal cwsmer o ansawdd yn eu maes cyfrifoldeb eu hunain.
Mae hi’n ofynnol bod staff yn ymwybodol o ymrwymiad y Brifysgol i Gynaliadwyedd.
Dylai holl staff y Brifysgol hyrwyddo ymddygiad iach, iechyd meddwl cadarnhaol a llesiant.
Disgwylir i ddeiliaid swydd gydymffurfio â’r broses Adolygu Datblygiad Proffesiynol, gan gymryd rhan wrth osod amcanion er mwyn cynorthwyo gyda’r gwaith o fonitro perfformiad a datblygiad yr unigolyn.
Byddwch yn asesu anghenion hyfforddiant a datblygiad pob aelod o staff dan eich rheolaeth i sicrhau ei fod yn cael ei gefnogi’n ddigonol mewn perthynas â’i gyfrifoldebau yn y gwaith.
Dyletswyddau perthnasol eraill sy’n gymesur â gradd y swydd, a all gael eu neilltuo gan y Rheolwr, mewn cytundeb â deiliad y swydd. Ni ddylid gwrthod cytundeb o’r fath yn afresymol.
Mae’r cyfrifoldebau allweddol sydd wedi’u cynnwys yn y swydd ddisgrifiad hwn yn fynegol, nid ydynt yn gynhwysfawr. Gellir addasu dyletswyddau a chyfrifoldebau mewn trafodaeth â deiliad y swydd.
Disgwylir i’r holl ddeiliaid swydd yn y Gyfarwyddiaeth allu cynnig cymorth ar draws pob maes, y tu hwnt i’w tîm uniongyrchol, ar gais y Cyfarwyddwr ac yn gymesur â’u sgiliau, eu gwybodaeth a’u profiad.
Adolygu
Mae hwn yn ddisgrifiad o’r swydd ar adeg ei chyhoeddi. Arfer y Brifysgol o bryd i’w gilydd yw adolygu a diweddaru swydd ddisgrifiadau er mwyn sicrhau eu bod yn adlewyrchu natur gyfredol y swydd a gofynion y Brifysgol yn gywir ac i ymgorffori unrhyw newidiadau rhesymol pan mae angen, mewn ymgynghoriad â deiliad y swydd.
- Enw’r cwmni neu sefydliad
- Prifysgol Wrecsam
- Math o swydd
- Llawn amser
- Dyddiad cau i ymgeiswyr
- 8 Medi 2024
