Rydym yn ehangu ein tîm datblygu yn yr Uned Technolegau Iaith, Canolfan Bedwyr, Prifysgol Bangor ac yn bwriadu recriwtio is-ddatblygwr meddalwedd newydd. Bydd yr ymgeisydd llwyddiannus yn ymuno â thîm o beirianwyr meddalwedd ac arbenigwyr iaith, a bydd yn gweithio i ddatblygu ac adolygu rhyngwynebau ar gyfer rhaglenni cyfrifiadurol, gwefannau ac apiau sy’n ymgorffori technolegau testun, lleferydd a chyfieithu ar gyfer y Gymraeg a ieithoedd eraill sydd â llai o adnoddau.
Bydd gan yr ymgeisydd llwyddiannus radd berthnasol neu gyfatebol, a bydd disgwyl i’r ymgeisydd rhannu portffolio o waith perthnasol gyda ni.
Mae’r gallu i gyfathrebu yn anffurfiol yn y Gymraeg o fewn y tîm yn hanfodol, abyddwn yn cynnig cymorth i ymgeiswyr llwyddiannus sy’n ceisio gwella eu sgiliau Cymraeg.
Mae’r swydd wedi’i lleoli yng Nghanolfan Bedwyr (sef Canolfan Gwasanaethau, Technoleg ac Ymchwil Gymraeg y Brifysgol) ym Mangor. Drwy fframwaith Gweithio Dynamig Prifysgol Bangor, bydd cyfle hefyd i dreulio rhywfaint o amser yn gweithio o bell er mwyn cefnogi cydbwysedd rhwng bywyd a gwaith.
Bydd ceisiadau hefyd yn cael eu hystyried ar gyfer cyflawni’r rôl hon ar sail rhan-amser neu drwy rannu swydd.
Disgwylir i’r ymgeisydd llwyddiannus ddechrau yn y swydd ym mis Ionawr 2025 neu cyn gynted â phosibl wedi hynny. Bydd y cytundeb cychwynnol ar gyfer y rôl hon yn para tan ddiwedd mis Gorffennaf 2026. Bydd ymestyn hyd y swydd y tu hwnt i’r dyddiad hwnnw yn ddibynnol ar sicrhau cyllid pellach.
Dim ond trwy ein gwefan recriwtio ar-lein, swyddi.bangor.ac.uk, y derbynnir ceisiadau. Fodd bynnag, mewn achosion o faterion mynediad oherwydd anabledd, mae ffurflenni cais papur ar gael trwy ffonio 01248 383865.
Gellir gwneud ymholiadau anffurfiol drwy gysylltu â Gruffudd Prys, Pennaeth yr Uned Technolegau Iaith (01248 383559, g.prys@bangor.ac.uk).
Mae Prifysgol Bangor yn sefydliad dwyieithog sy’n gweithredu polisi iaith cynhwysfawr.
Wedi ymrwymo i Gyfle Cyfartal.
- Enw’r cwmni neu sefydliad
- Prifysgol Bangor
- Math o swydd
- Llawn amser
- Cyflog
- £29,605 – £39,347
- Hyd cytundeb
- Contract tymor penodol
- Rhif ffôn am fwy o wybodaeth
- 01248 383559
- Ebost
- g.prys@bangor.ac.uk
- Dyddiad cau i ymgeiswyr
- 1 Rhagfyr 2024
