Gradd H – £60,233 – £68,149 y flwyddyn
Lleoliad – 2 Sgwâr Callaghan, Caerdydd neu Hybrid
Parhaol – Llawn amser (34.75 awr yr wythnos).
Bydd ceisiadau gan ymgeiswyr sydd â diddordeb mewn patrymau gwaith amgen yn cael eu hystyried; fodd bynnag, gall anghenion busnes osod cyfyngiadau ar y trefniadau a gynigir.
Mae hwn yn gyfle cyffrous i chwarae rhan yn nyfodol addysg yng Nghymru ar lefel genedlaethol.
Rydym yn chwilio am uwch arweinydd addysg profiadol gyda dealltwriaeth drylwyr o bolisi addysgol yng Nghymru, gyda chrebwyll gwleidyddol cryf, gyda sgiliau i rwydweithio ac i adeiladu consensws a chydag ymrwymiad i gynnal a datblygu ethos, cymeriad, gweledigaeth a chenhadaeth unigryw ein 144 o ysgolion cynradd ac uwchradd yr Eglwys yng Nghymru.
Bydd yr ymgeisydd llwyddiannus yn rheoli dau gynghorydd cenedlaethol arbenigol ynghyd â chyllid yr adran, a bydd yn arwain ar berthnasoedd a pholisi gyda Llywodraeth Cymru a rhanddeiliaid eraill yn y sector gan sicrhau bod darpariaeth addysg yr Eglwys yng Nghymru yn datblygu o ran ansawdd ac uchelgais ac yn chwarae rhan lawn, hyderus a chynyddol yn nhirwedd addysg Cymru.
Mae Cyfarwyddwr Addysg y Dalaith yn rhan o’r tîm Cenhadaeth a Strategaeth, ac yn gweithio’n agos gyda Mainc yr Esgobion, gyda rhwydwaith o Swyddogion Addysg Esgobaethol a chydag uwch arweinwyr ysgolion yr Eglwys yng Nghymru, a bydd yn cyfrannu at gyngor polisi a datblygiad gwasanaeth parhaus ar draws ein holl ysgolion, sydd wrth galon cymunedau ledled y wlad.
Mae’r rôl hon yn gofyn am rywfaint o hyblygrwydd o ran oriau gwaith a lleoliad, gan gynnwys rhywfaint o deithio yng Nghymru a thu hwnt, ac aros dros nos yn achlysurol.
O dan Ran 1 o Atodlen 9 i Ddeddf Cydraddoldeb 2010 mae gofyniad galwedigaethol i’r swydd hon i fod yn Gristion gweithredol.
Bydd gofyn i’r ymgeisydd llwyddiannus gwblhau gwiriad DBS boddhaol.
Dyddiad cau: Dydd Gwener 24 Ionawr 2025 am 10:00am
Cysylltwch â: HR@cinw.org.uk / 0292034 8200
- Enw’r cwmni neu sefydliad
- Yr Eglwys yng Nghymru
- Dyddiad cau i ymgeiswyr
- 25 Ionawr 2025
