Cyfieithydd – Caerdydd / Porthmadog (£29,475 – £31,536)
Rydym yn chwilio am unigolyn brwdfrydig a chryf ei gymhelliad i ymuno â’n tîm yng Nghaerdydd neu Borthmadog. Dyma gyfle i ddefnyddio’ch sgiliau a’ch profiad i gynhyrchu cyfieithiadau o’r radd flaenaf i CThEF.
Bydd gennych sgiliau iaith rhagorol (Cymraeg a Saesneg), a naill ai gradd yn y Gymraeg, cymhwyster Cymraeg cyfatebol neu brofiad o gyfieithu i’r Gymraeg. Dylech hefyd feddu ar brofiad o brosesau, meddalwedd ac adnoddau cyfieithu Cymraeg, a gallu cynhyrchu a phrawf-ddarllen cyfieithiadau i safon uchel.
Cewch gyfle i ddefnyddio pecynnau meddalwedd modern i gyfieithu dogfennau ac i fod yn rhan o brosiectau cyfieithu allweddol. Bydd cyfle hefyd i drafod terminoleg ac arddull ysgrifennu newydd a phenderfynu arnyn nhw.
I gael gwybodaeth am y buddion a sut i wneud cais, chwiliwch am swydd rhif 382323 ar borth Swyddi’r Gwasanaeth Sifil drwy fynd i www.civilservicejobs.service.gov.uk
Fel arall, cysylltwch â gareth.w.williams@hmrc.gov.uk ar 07796 566525.
- Enw’r cwmni neu sefydliad
- Cyllid a Thollau
- Dyddiad cau i ymgeiswyr
- 21 Ionawr 2025
