Yn eisiau: Aelod Bwrdd Prosiect e-sgolArbenigedd delfrydol:Pennaeth/Rôl Arweinyddol mewn Ysgol Gynradd Categori Iaith T3 neu is Dyddiad Cau: Hanner Dydd, Ddydd Llun, 27 Ionawr, 2025
Mae cyfle wedi codi i ethol aelod newydd i Fwrdd Prosiect e-sgol.
Bydd yr unigolyn a etholir yn cyfrannu tuag at ddatblygiad strategol y prosiect gan sicrhau bod llais a dyheadau eu meysydd profiad yn cael eu hystyried yn llawn gan Dîm Arwain e-sgol.
Yn ddelfrydol, byddai’r ymgeisydd llwyddiannus yn meddu ar brofiad ac arbenigedd mewn arweinyddiaeth mewn ysgol gynradd categori iaith T3 neu is ac â diddordeb yn y maes dysgu hybrid.
Byddwch yn gyfathrebwr hyderus ac rydyn ni’n annog a chroesawu ceisiadau gan unigolion o bob cefndir a chymuned. Rydyn ni’n croesawu’n arbennig geisiadau gan unigolion o blith cymunedau a grwpiau a dangynrychiolir ar hyn o bryd.
Mae’r rôl hon yn ddi-dâl.
Caiff aelodau Bwrdd eu hethol am gyfnod o dair blynedd. Mae modd ailethol aelod sy’n cyrraedd diwedd ei gyfnod gwasanaeth am yr eildro os yn parhau i fod yn gymwys.
Cynhelir tri chyfarfod y flwyddyn ar TEAMS, un ym mhob tymor ysgol. Ni ddisgwylir i’r ymrwymiad amser fod yn hwy nag 8 awr o fewn blwyddyn.
Y dyddiad cau ar gyfer ceisiadau: Hanner Dydd, 27 Ionawr, 2025.
Os ydych chi’n rhannu ein gwerthoedd, ein delfrydau a’n dyheadau, ac yn awyddus i weithio fel rhan o Fwrdd Prosiect e-sgol, yna, cysylltwch â ni.
Am drafodaeth anffurfiol, cysylltwch â Dr. Gareth Lanagan, Cadeirydd y Bwrdd (gareth.lanagan@ceredigion.gov.uk)
I wneud cais, anfonwch grynodeb o hyd at 350 gair i gefnogi eich enwebiad at Glerc y Bwrdd, Nia Jones ar nia.jones2@e-sgol.cymru.
Bydd enw(au) yr ymgeiswyr llwyddiannus yn cael eu cyhoeddi yn y flwyddyn newydd.
- Enw’r cwmni neu sefydliad
- e-sgol
- Dyddiad cau i ymgeiswyr
- 27 Ionawr 2025
